Мобилизацияләнгәннәрнең гаиләләре район башлыгы исеменнән оештырылган ифтарда катнашты

Кояш баегач, ахшам намазы укыла. Җыелганнарга вәгазь белән Бөгелмә районы имам-мөхтәсибе Рамил хәзрәт Хөснетдинов мөрәҗәгать итте, җыелганнарга Ураза кыйммәтләре турында сөйләде.

100гә якын кеше кунак булды. Алар - мобилизацияләнгән мөселманнарның туганнары, мәчет мәхәлләләре, шәһәр һәм район имамнары, һәлак булган хәрбиләрнең туганнары.

Линар Закиров гаиләсе белән мәчеткә килде. Җыелганнарны Рамазан ае белән котлады, иң ихлас теләкләрен белдерде һәм мөбарәк айда игелекле эшләр башкаруның мөһимлеген ассызыклады.