Минтимер Шәймиев митрополит Феофан турында: сүз белән һәм иман белән ул безнең барыбызга да йогынты ясый ала иде

Татарстан Дәүләт Киңәшчесе Минтимер Шәймиев Казан һәм Татарстан митрополиты Феофан белән хушлашты. Ул искә төшергәнчә, владыка бөтен гомерен хезмәт итүгә багышлаган һәм дөньяның күп кенә илләрендә татулык хакына хезмәт куйган.

«Бүген безвладыка Феофан белән хушлашабыз. Ул гомере буе үзеңне багышлаган эшкә ничек хезмәт итәргә кирәклеге турында үрнәк булып торды. Үзенең бай тормышында ул Иерусалимда, Американың көньяк дәүләтләрендә, Камчаткада, көньяк республикаларда, Россиядә, Уралда хезмәт иткән. Үзара килешүгә ирешергә кирәк булган барлык нокталарда да ул булды», – дип искә төшерде Шәймиев.

Татарстанлылар хәтерендә митрополит Феофан бердәмлек, игелек һәм иминлек хакына намуслы хезмәт итү үрнәге булып калачак. Ул үзен чиркәү хезмәткәре буларак кына түгел, ә сәләтле дипломат буларак та күрсәтте. Ул төрле конфессияләр вәкилләренең ихтирамын яулады, дип билгеләп үтте ТР Дәүләт Киңәшчесе.

«Ул, гомумән, ниндди конфессиядә булуыбызга карамастан, безнең барыбызга да йогынты ясый алды. Аның тирәсендә безнең республика мөфтие һәм башка дини конфессияләр вәкилләре берләште, үзара аңлашу тапты. Бөек хезмәте өчен рәхмәт аңа», – дип йомгаклады Минтимер Шәймиев.

Исегезгә төшерәбез, архиерей 20 ноябрьдә 74нче яшендә вафат булды. Мәскәү һәм Бөтен Русь Патриархы Кирилл карары белән митрополит Феофан Казан Богородица монастыре территориясендә җирләнде.