Махсус хәрби операция зонасында катнашучы бөгелмәлегә Рәхмәт хаты тапшырдылар
Җирле кешегә батырлыгы һәм сугышчан иптәшләренә үрнәк күрсәткәне өчен рәхмәт белдерделәр.
«Дон» разведка-штурм бригадасы командованиесе Татарстан Республикасы Бөгелмә районының «Чик сакчылары берлеге» рәисе Белый кушаматлы Владимир Беляевка Рәхмәт хаты тапшырды. Бөгелмәлегә хезмәт вазыйфаларын намус белән башкарганы, батырлыгы һәм сугышчан иптәшләре өчен үрнәк күрсәткәне өчен рәхмәт белдерделәр.
«Без җәмгыятебездә Владимир Сергеевич кебек хезмәт итәргә һәм Ватаныбызны сакларга әзер кешеләр булуы белән горурланабыз. Аңа киләчәктә дә төбәгебез һәм илебез хакына җиңүләр телибез», — диләр Бөгелмәнең «Чик сакчылары берлеге» вәкилләре.
Хәзер Владимир Беляев махсус хәрби операциядә катнаша. Шунысын да билгеләп үтәргә кирәк, ир-ат сугыш зонасында ирекле хезмәткәр сыйфатында беренче тапкыр гына түгел.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
