Әлмәт политехника техникумында хәзерге вакытта ихтыяҗ зур булган компетенцияләр буенча яңа остаханәләр барлыкка килде

Әлмәт политехника техникумында WorldSkills Russia стандартының алдынгы компетенцияләре буенча биш яңа мастерской барлыкка килде. Бу хакта Әлмәт муниципаль районы матбугат хезмәте хәбәр итә.

«Мәгариф» милли проекты кысаларында мастерскойлар төзелде һәм җиһазлар сатып алынды.

АПТ директоры Илдар Баһманов яңа остаханәләрнең бренд-бука нигезендә рәсмиләштерелүе һәм инфраструктура битләре таләпләренә туры китереп җиһазландырылуы турында сөйләде.

Нәтиҗәдә, 57 яңа эш урыны булдырылды, 61 заманча җиһазлар сатып алынды. Моннан тыш, 748,5 кв. м. уку мәйданчыгы ремонтланган, «Нефть һәм газ чыгару» компетенциясе буенча укыту полигоны булдырылган һәм җиһазландырылган.

«Бу студентларга тагын да югарырак профессиональ дәрәҗәдә шөгыльләнү, ә эш бирүчеләргә укучыларның нинди нәтиҗәләр күрсәтүләрен күрү мөмкинлеге бирә», – дип өстәде Илдар Рәис улы.