Линар Закиров халыкны Яңа ел белән котлады

Сезне якынлашып килүче Яңа ел белән чын күңелдән котлыйм!

Узып баручы 2023 ел кабат безнең сабырлыкны, бердәмлекне һәм ныклыкны тикшерде. Ул һәркем өчен җиңел булмады. Без көчлерәк булдык, яңа тәҗрибәләр тупладык. Алда әле тагын зур планнарыбыз бар. Бөгелмә шәһәрендә яшәгән һәм эшләгән күп буыннар кебек, без дә сезнең белән барлык авырлыкларны җиңәрбез дип ышанам! Махсус хәрби операциядә катнашучы хәрби хезмәткәрләребез эшләгән кебек эшләрбез. Алар безнең йөрәкләрдә — аларның батырлыгына сокланабыз, гаиләләренә ярдәм итәбез!

2023 ел милли проектлар, федераль һәм республика программалары ярдәмендә гамәлгә ашырыла торган вакыйгаларга, яңа объектларга һәм проектларга бай булды. Киләсе елда, һәрвакыттагыча, тормыш сыйфатын күтәрү — төп өстенлек булачак. Безнең Бөгелмә муниципаль районын үсеш, чәчәк ату, иминлек һәм уңайлылык көтә!

Киләсе Яңа ел барлык өметләребезне акласын, яңа мөмкинлекләр ачсын, ирешелгәннәрне арттырсын. Ышанам, без барысын да булдырабыз! Шәһәр һәм район үсешенә керткән шәхси өлешебез өчен һәрберегезгә рәхмәт белдерәм. Сезнең хезмәтегез, аңлавыгыз һәм бердәмлегегез, бүген без бергә горурланган казанышларыгыз һәм нәтиҗәләрегез өчен чын күңелдән рәхмәтлемен.

Кадерле якташлар, сезгә бәхет, иминлек һәм тотрыклылык телим! Яңа, 2024 ел белән!

Линар ЗАКИРОВ, Бөгелмә муниципаль районы башлыгы, Бөгелмә шәһәре мэры