Линар Закиров Василий Лисафинны Җиңү көне белән котлады

Җиңү көне белән Бөгелмә районы башлыгы Линар Закиров тыл хезмәтчәне Василий Михайлович Лисафинны котлады.

Василий Лисафин 1930 елда Бөгелмә районының Чирково авылында туган. Бөек Ватан сугышы башланганда өченче сыйныфта укый. Сугыштан соң Василий Лисафин Бөгелмәгә күченә. Ярты гасыр диярлек тимер юлда эшләгән. Ул депо җитәкчелегеннән күп мактау грамоталары ала, «Ярышларда җиңүче» һәм «Фидакарь хезмәт өчен» медальләре белән бүләкләнә. Аңа хезмәт ветераны һәм тыл хезмәтчәне исеме бирелә.