Линар Закиров: «Светофорны тиз арада урнаштырырга кирәк!»

Шәһәр Мэриясендә атналык киңәшмәдә Гафиятуллин һәм Октябрь урамнары киселешендә юл-транспорт һәлакәтендә җитди зыян күргән светофор объектын торгызу мәсьәләсе буенча фикер алыштылар.

"Җәяүлеләр һәм машина йөртүчеләр газапланырга тиеш түгел!",- дип билгеләп үтте Линар Закиров.

Шәһәр Башкарма комитеты җитәкчесе Михаил Коньков аңлатуынча, юл-транспорт һәлакәте нәтиҗәсендә, светофор объектын исәпкә алу һәм көйләү узелы урнаштырылган җайланмага зыян килгән. Җиһазлар заказ ителгән. Тиздән светофор торгызылачак.