Линар Закиров шәһәрнең 1 нче мәктәбенең өлкән сыйныф укучылары белән очрашты
Бөгелмә районы башлыгы «Үз белемең белән уртаклаш» Бөтенроссия мәгърифәтчелек акциясе кысаларында, җәмгыять белеме дәресе үткәрде.
Линар Закиров шәһәрнең 1 нче мәктәбенең өлкән сыйныф укучылары белән очрашты. Район башлыгы укучыларга Бөгелмә җире тарихы турында сөйләде. Үз үсешенең төрле елларында Бөгелмә өязе Уфа наместниклыгына ничек караганы, Ырымбур һәм Самар губерналары составында булуы, Татар АССРның Бөгелмә кантонына караганы турында искәртте. 1781 елда императрица Указы белән Бөгелмә өяз шәһәре статусын ала.
Укучылар туган шәһәр тарихы һәм аның илдәге роле турында күп яңалыклар белүләрен билгеләп үттеләр. Шәһәр башлыгына хәзерге Бөгелмәнең үсеше, шәһәрнең яшьләргә ихтыяҗы, шулай ук башлангыч белгечләрнең һөнәри эшчәнлек перспективалары турында сораулар бирделәр.
Дәрес ахырында район башлыгы укучы София Аристованы туган көне белән котлады. Ә мәктәп укучысы Яна Галицкая шәһәр башлыгына Бөгелмә гербын тәкъдим итте, ул аны үз куллары белән ясаган.
Следите за самым важным и интересным в Telegram-каналеТатмедиа
