Линар Закиров, газ белән агулану очракларына бәйле рәвештә, торак компанияләренең эшен тәнкыйтьләде

Кышкы чорда күп фатирлы йортларда газ белән агуланучылар саны арта. 12 декабрьдә Бөгелмәнең Совет урамы буенча урнашкан күп фатирлы йортында фаҗига була. Башлангыч мәгълүматларга караганда, 1952 елда туган ир-ат газ белән агулана. Әлеге хәбәр турыдан-туры ашыгыч ярдәм хезмәтенә килә.

«Бу торак хезмәтләрнең үз эшенә салкын каравы. Барлык тәртип бозулар, нигездә, йорт эчендәге газ җиһазларын һәм вентиляцияне тиешенчә карап тотмау, шулай ук һаваның табигый агымы булмау белән бәйле. Проблема шактый кискен тора, эш газ белән агулануда гына түгел, ә газ техникасы төзек булмау вакытында зур масштаблы һәлакәтләрдә дә», - дип ассызыклады район башлыгы.