Линар Закиров Бөгелмәнең йөз бал җыйган укучылары белән очрашты

Бөгелмә районы башлыгы Линар Закиров рәсми булмаган шартларда БДИда 100 балл җыйган мәктәпне тәмамлаучы укучылар белән очрашты.

Шәһәр башлыгы укучыларны уңышлы нәтиҗәләр белән котлады, аларга уңышлар теләде һәм шәһәр хакимиятеннән акчалата сертификатлар тапшырды.

2023 елда Бөгелмәдә тугыз йөз баллы нәтиҗә бар. Безнең муниципаль районда һәр икенче чыгарылыш укучысы — югары балга ия. БДИ тапшыру нәтиҗәләре буенча иң яхшы нәтиҗәләрне 2 нче лицей, 3 нче, 4 нче, 6 нчы мәктәпләр, 2 нче Карабаш мәктәбе укучылары күрсәтте.

— Укучылар, сез — безнең горурлыгыбыз. Безгә Сезнең язмышыгыз мөһим, һәм без сезнең белән элемтәне сакларга телибез. Шуңа күрә, һичшиксез, югары уку йортларын тәмамлагач, сезнетуган шәһәрегездә көтәбез. Әти-әниегезгә һәм укытучыларыгызга рәхмәт. Уңышлар сезгә!, — дип ассызыклады Линар Закиров.