Линар Закиров: «Бер генә ветеран да игътибарсыз калмаска тиеш, ә шәһәр халкы бәйрәм атмосферасын тоярга тиеш»

Киңәшмә башында Россия Федерациясе Тикшерү комитетының Татарстан Республикасы буенча тикшерү идарәсенең Бөгелмә тикшерү бүлеге җитәкчесе вазыйфаларын башкаручыны яңа эш урыны белән котладылар. 2020 елның апрелендә эшкә Артур Эдикович Хидирян кереште. Элегрәк ул Россия Федерациясе Тикшерү комитетының Татарстан Республикасы буенча тикшерү идарәсенең Алабуга районара тикшерү бүлеге җитәкчесе урынбасары вазыйфасын башкарган, Алабуга районара тикшерү бүлеге җитәкчесе вазифаларын башкарган.

Аннары узган атнадагы төп мәсьәләләр турында фикер алыштылар. Эчке эшләр министрлыгы линиясе буенча коронавирусны профилактикалау буенча уздырыла торган чаралар кысаларында чит илдән килгән 649 гражданның яшәү урыны буенча һәм Россиянең башка төбәкләреннән 402 кешенең яшәү урыны буенча тикшерү үткәрелгән. 206 кеше контрольгә алынган. Беренче май бәйрәмнәрендә үз-үзен изоляцияләү режимын бозучыларга 139 беркетмә төзелгән.

Пандемия сәбәпле тантаналы массакүләм чаралар соңгырак датага күчерелде. Хәзерге вакытта Бөгелмә муниципаль районында Бөек Ватан сугышының 749 ветераны яши. Пенсия фонды аша вакытыннан алда бер тапкыр түләүне оештыру эше башкарылды, ветераннарга юбилей медальләре тапшыру төгәлләнеп килә.

«Вам, Родные!» республика акциясе кысаларында, Бөек Ватан сугышының 34 катнашучысы Җиңү волонтерлары аша азык-төлек җыелмалары алачак. Шулай ук республика акциясенә бөгелмәлеләр дә кушылды - 38 өстәмә җыелма волонтерлар тарафыннан тапшырылачак. "Үлемсез Полк Онлайн" һәм "Җиңү тәрәзәсе" акцияләре башлап җибәрелгән.

Коронавирус Бөек Ватан сугышында Җиңүнең 75 еллыгын бәйрәм итүне кичектереп торды. Барлык бәйрәм чаралары алдагы вакытка күчерелде. Әмма шәһәрдә бәйрәм атмосферасы булырга тиеш. Бәйрәмчә бизәлергә, бер генә ветеран да игътибарсыз калмаска тиеш, шәһәр халкы бәйрәм атмосферасын тоярга тиеш, - дип ассызыклады Линар Закиров.