Кыш бабай һәм Кар кызы остаханәсе
«Радуга» үзәгенең гаиләгә һәм балаларга социаль ярдәм күрсәтү бүлегендә белгеч Светлана Кирдина һәм психолог Ольга Колганова тарафыннан “Кыш бабай һәм Кар кызы остаханәсе” чарасы оештырылды һәм үткәрелде.
Чарада катнашучыларны Кыш бабай һәм Кар кызы каршы алды. Балалар аларга чыршыны нинди уенчыклар белән бизәүләре, бәйрәмне каршыларга ничек әзерләнүләре турында сөйләделәр.
Аннан соң балигъ булмаган балалар Кыш бабай һәм аның оныгы белән бергә якын кешеләренә Яңа ел открыткасы ясадылар. Һәркайсы үзенчә матур һәм уникаль килеп чыкты, чөнки аларга бик күп хезмәт, тырышлык һәм хыяллар салынган иде.
"Кыш Бабай остаханәсе"ндә эшләү кызыклы, мавыктыргыч эш булды, чөнки балалар тырышып кына калмадылар, уеннар да уйнадылар, табышмакларга җавап бирделәр һәм татлы бүләкләр алдылар. Чарада бәйрәм атмосферасы һәм шатлыклы кәеф хөкем сөрде. Беркемнең дә остаханәдән китәсе һәм Кыш бабай, Кар кызы белән аерылышасы килмәде.
Ольга КОЛГАНОВА, “Радуга” үзәге психологы.
Светлана Кирдина фотосы.
Следите за самым важным и интересным в Telegram-каналеТатмедиа
