Кырымда Ураза һәм Корбан гаете ял көне дип игълан ителде
14 май һәм 20 июль эшләми торган бәйрәм көннәре була.
Кырым башлыгы Сергей Аксенов мөселманнарның ике һәм христианнарның бер бәйрәме уңаеннан ял көннәре игълан итте.
«Ураза бәйрәме уңаеннан 2021 елның 14 маен, Изге Троица көнен бәйрәм итү уңаеннан 2021 елның 21 июнен, Корбан гаете уңаеннан 2021 елның 20 июлен эшләми торган бәйрәм көннәре итеп игълан итәргә», - диелә Кырым Хөкүмәте сайтында пәнҗешәмбе көнне чыккан указда. Бу хакта «Интерфакс» хәбәр итә.
Документта төбәк халкы «Вөҗдан иреге һәм дини берләшмәләр турында»гы федераль закон һәм «Кырым Республикасында бәйрәмнәр һәм истәлекле даталар турында»гы Кырым законы нигезендә ял итәчәк, дип искәртелә.
Кырымда әлеге дини бәйрәмнәр 2014 елдан бирле ял көне дип игълан ителә.
Чыганак: «Татар-информ»
Следите за самым важным и интересным в Telegram-каналеТатмедиа
