Күрше Баулы районында гадәттән тыш хәл булды
Трассада цемент ташу машинасына ут каба, шофер янган кабинадан сикереп чыгарга өлгергән.
Бу хакта «Татар-информ» мәгълүмат агентлыгына РФ Гадәттән тыш хәлләр министрлыгы ТР Баш идарәсенең матбугат хезмәтендә хәбәр иттеләр.
Кичә (3 майда) кичке сәгать дүртләр тирәсендә ашыгыч хезмәтләрне чакыруның бердәм номерына республиканың Баулы районындагы трассада “КамАЗ” машинасы яну турында хәбәр килде. Машина йөртүче кабинадан сикереп чыгарга өлгергән.
Янгын сүндерүчеләр урынга килеп җитәләр һәм 16 сәгать 12 минутта утны сүндерәләр. Янгыннан йөк машинасы кабинасы зыян күрә.
Янгын “КАМАЗ” системаларында һәм механизмнарында төзек булмау аркасында килеп чыккан дип фаразлана.
Следите за самым важным и интересным в Telegram-каналеТатмедиа
