Китапханәдәге очрашу

"Бөгелмәләр" дип аталган әдәби берләшмә оештырган шигърият кичәсендә тамашачылар яшь шагыйрь Юрий Беляков белән очраштылар. Юрий узган ел җирле матбугат чаралары белән берлектә оештырылган иҗади бәйгедә җиңеп чыккан иде. Бу кичәдә аның күп кенә әсәрләре яңгырады һәм аларны укып бирү сәләте белән дә шагыйрь безне таң калдырды. "Кичәдә катнашучы тәҗрибәле шагыйрьләр Ольга Костюнина, Наил Кәшиф һәм Флорида да Юрийның иҗатын гаять югары бәяләделәр", - дип хәбәр итә безгә Илүзә Нуретдинова.