Кириенко “Россия лидерлары. Сәясәт” дип аталган яңа конкурс башлануы турында игълан итте

 РФ Президенты хакимият җитәкчесенең беренче урынбасары Сергей Кириенко булачак сәясәтчеләр һәм закон чыгаручылар өчен “Россия — мөмкинлекләр иле” платформасында “Россия лидерлары. Сәясәт.” дигән яңа конкурс башлану турында игълан итте.

Конкурс иҗтимагый-сәяси эшчәнлек белән шөгыльләнергә һәм хакимиятнең вәкиллекле органнарына сайлауларда катнашырга теләүче кешеләр өчен билгеләнгән, дип билгеләп үтте Кириенко матбугат брифингы вакытында.

“Россия лидерлары” проектыннан аермалы буларак, конкурста катнашучылар берничә башка компетенция — социаль җаваплылык һәм катнашучылар ия булырга тиеш булган билгеле бер социаль багаж буенча бәяләнәчәк.

Катнашучылар 16 мартка кадәр (Мәскәү вакыты белән 18.00 сәгатькә кадәр) теркәлергә мөмкиннәр. Ике ай дәвамында, марттан апрель аена кадәр, алар конкурс сайтында дистанцион этап биремнәрен үтәячәк, дип сөйләде “Россия — мөмкинлекләр иле” автоном оешмасы генераль директоры Алексей Комиссаров.

Конкурс Президент Владимир Путин кушуы буенча үткәрелә. Теркәлү узарга, шулай ук проект турында тулырак мәгълүмат белән РФ сәяси лидерлары сайтында (политическиелидеры.рф.) танышырга мөмкин.

Чыганак: https://www.tatar-inform.ru/