Кичә Бөгелмәдә чаңгы сезоны ачылды

Кичә "Чаңгы Базасы" территориясендә 31 нче чаңгы эстафетасы үтте, ул спорт сезоны ачылуга багышланды. Ярышлар ир-атлар һәм хатын-кызлар командалары арасында 4 категориядә үтте:

- югары һәм урта һөнәри белем бирүче уку йортлары;

- шәһәр мәктәпләре;

- район мәктәпләре;

- предприятие һәм оешмалар.

Стартка 37 ир-ат һәм 32 хатын-кыз командасы чыкты. Спорт бәйрәмендә барлыгы 250дән артык кеше катнашты.

Эстафетаны ачу тантанасында сәламләү сүзе белән Бөгелмә шәһәре башкарма комитеты җитәкчесе Михаил Конков чыгыш ясады. Ярыш нәтиҗәләре буенча, җиңүче командаларга һәр категориядә дә тиешле дәрәҗәге грамоталар һәм кубоклар тапшырылды.