Хезмәт хакы буенча бурыч түләнгән
Татарстан районнарында ике предприятие 131 хезмәткәргә бурычын түләгән.
Татарстанның берьюлы ике предприятиесе – “Дусым” ҖЧҖ һәм “Бөгелмә-медиа” МУП – үз хезмәткәрләренә хезмәт хакы буенча җыелган 1,3 миллион сум бурычын түләгәннәр. Бу хакта бүген ТР Хезмәт министрлыгы матбугат хезмәте хәбәр итә.
“Татарстан Республикасы Хезмәт министрлыгы хезмәткәрләрнең эш хакын үз вакытында һәм тулысынча түләү буенча хезмәт хокукларын саклауны тәэмин итү өстендә эшләүне дәвам итә. Бу юнәлештә башкарылган эшләр нәтиҗәсендә, республиканың ике предприятиесендә хезмәт хакы буенча бурыч түләнгән”, – диелә хәбәрдә.
“Бөгелмә-медиа” муниципаль унитар предприятисе 13 хезмәткәргә 413 мең сум түләгән.
Следите за самым важным и интересным в Telegram-каналеТатмедиа
