Казанда калдыкларны термик зарарсызландыру заводлары барлыкка киләчәк

Матбугат конференциясендә Müller-BBM компаниясе җитәкчесе Уолтер Гроц Казанда төзеләчәк калдыкларны термик эшкәртү заводы Германиядә төзелергә мөмкин, дип хәбәр итте:

– Бу завод, минемчә, Германиядә дә төзелергә мөмкин иде. Минем барлык параметрлар буенча да диярлек шундый ук җайланмаларны үз эченә алган проектлар күп иде, – диде Гроц.

LGA компаниясе башлыгы Гюнтер Кнер болай дип өстәде: “Германиядә махсус законнар бар, без аларны үтәргә һәм барлык экспертизаларны үткәрергә тиеш. Җиһазлар һәм аларның технологияләре илдә кулланыла һәм төзелә торган җайланмаларның параметрларына туры килә».

Элегрәк «Татар-информ» мәгълүмат агентлыгы Татарстанда ел саен табигатьне саклау чараларына 72 миллион сум акча китәчәген хәбәр иткән иде.

«РТ-Инвест» калдыкларны термик зарарсызландыру буенча биш завод төзиячәк – Мәскәү өлкәсендә – дүрт завод (елына 700 мең тоннага кадәр егәрлекле) һәм Татарстанда (Казанда) – берәү (550 мең тонна). «РТ-Инвест» компаниясе – җаваплылыклары чикләнгән “Ростех” дәүләт корпорациясе белән “Царицын капитал” җәмгыятьләренең уртак предприятиесе.