Карабаш диңгезе ярында иммерсив парк-отель «Яңа Җир» ачылды

Бөгелмә районында Карабаш сусаклагычы ярында ТР Туризм буенча дәүләт комитеты рәисе Сергей Иванов һәм «Татнефть» ААҖ генераль директорының социаль үсеш буенча урынбасары Рөстәм Мөхәммәдиев катнашында «Яңа җир» иммерсив парк-отельен эшләтеп җибәрделәр.

«Татнефть» парк-кунакханәсен булдыруга «Туризм һәм кунакчыллык индустриясе» милли проектының 45 млн сумлык федераль субсидиясе һәм үз акчалары юнәлдерелгән. Глэмпинг Карабаш диңгезе ярындагы Нептун, Чайка һәм Дружба ял базалары территориясендә урнаша. Бу территориягә кызыксынуны компаниядә «Үсеш алган инфраструктура» белән аңлаталар. Шулай ук Бөгелмәнең үз аэропорты булуы бик уңайлы, Мәскәүдән һәм Россиянең башка шәһәрләреннән килү уңайлы.