Җирле студентлар һөнәри осталык конкурсында уңышлы чыгыш ясадылар

Лаеш техника-икътисад техникумы базасында “социаль эш” компетенциясе буенча “Абилимпикс” һөнәри осталык конкурсы узды. Анда Бөгелмә техник-төзелеш көллияте студентлары Элина Иркәгалиева һәм Андрей Дарменко катнашты.
 
Конкурсантлар дүрт модуль буенча биремнәр үтәделәр: анкета һәм истәлек тутыру, профилактик әңгәмә планын эшләү һәм ситуация мәсьәләсен хәл итү.
 
“Социаль эш” компетенциясе гражданнарга тормыш шартларын яхшырту һәм аларның төп тормыш ихтыяҗларын мөстәкыйль рәвештә тәэмин итү мөмкинлекләрен киңәйтү максатларында социаль хезмәтләр һәм дәүләт социаль ярдәме күрсәтүне күздә тота. Элина һәм Андрей барлык сынауларны лаеклы үттеләр һәм ярышлар нәтиҗәләре буенча икенче һәм өченче дәрәҗә дипломнар алдылар. Конкурска балаларны производствода укыту мастеры Олеся Сәхбиева әзерләде.