Инвалидлар өчен – эш урыннары

Бу уңайдан “Бөгелмә шәһәре халыкның мәшгульлек үзәге” дәүләт казна учреждениесендә (ДКУ) инвалидлар өчен эш урыннары квоталау мәсьәләсе буенча эш бирүчеләр белән киңәшмә узды. Киңәшмә барышында куелган төп бурыч квоталанган эш урыннарына чиратта торучы инвалидларны эшкә урнаштыру максатына ирешү иде. Шулай ук оешма, эш бирүчеләр белән берлектә, инвалидларга, хосусый тернәкләндерү һәм абилитация программасы таләпләре нигезендә, эш урыннарын индивидуаль сайлау-бирү максаты да күздә тотылды. Киңәшмәдә барлык предприятиеләр җитәкчеләре дә катнашты, эш урыннарын квоталау барышында килеп чыга торган проблемалар турында фикер алышулар булды. Алар киләчәктә дә бергәләп хезмәттәшлек итү турында килештеләр.