Игелек кыл!

Бөгелмә муниципаль районы башкарма комитетының яшьләр эшләре, спорт һәм туризм бүлеге, "Курс-М" шәһәр студентлар клубы һәм аграр яшьләр берләшмәсе, "Инициатива" ирекле оешмасы белән берлектә, 3 май көнне Яшьләр сараенда "Язгы игелек атнасы" дигән хәйрия концерты уздырдылар. Шушы ук чарада районда үткән "Игелек атнасы"на йомгак ясалды, активистларны тәбрикләү тантанасы булды, мохтаҗларга тарату өчен кием-салым, уенчыклар, канцелярия товарлары тупланды. Акциядә шәһәребезнең югары һәм урта уку йортлары, мәктәпләр, балалар иҗат үзәкләре катнашты.