Яшь бөгелмәлеләргә Россия Федерациясе гражданины паспорты тапшырылды

Бөгелмә хәрби комиссариаты территориясендәге «Хәтер» хәрби дан залында тантаналы рәвештә 14 яшькә җиткән шәһәрнең гомуми белем мәктәпләрендә белем алучы 10 укучысына паспорт тапшыру тантанасы булды.

Чарада Бөгелмә шәһәре мэры урынбасары Ирина Белова, миграция мәсьәләләре бүлеге башлыгы Валентина Усачева, хәрби комиссар Рафаэль Миңнетдинов, «Бердәм Россия» җирле бүлекчәсе башкарма секретаре Әнвәр Әхмәдиев, «Сугышчан туганлык» иҗтимагый оешмасы, «Форпост» яшьләр хәрби-патриотик хәрәкәте вәкилләре, кадетлар һәм ата-аналар катнашты.