«Яңарыш» үзәгендә Гаилә көне үткәрделәр
Белгечләр мөмкинлекләре чикләнгән балалар тәрбияләүче ата-аналарга киңәшләр әзерләделәр.
«Ачык гаилә көннәре» кысаларында Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә ата-аналар учреждение белгечләре белән очрашты.
Экспертлар ата-аналарны өй шартларында балалар белән кулланырга мөмкин булган һәм баланың акыл үсешенә ярдәм итә торган сенсор һәм нейроуеннарның төрлелеге белән таныштыру максатыннан практик мастер-класс уздырдылар.
Чарада катнашучылар гаиләдә уңай психологик климат булдыру турында фикер алыштылар. Кышкы чорда салкын авырулардан ничек котылырга, уртак ял вакытында бөтен гаилә өчен файдалы нинди мультфильмнар карарга икәнен белдек.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
