“Иҗади илһам уяна миндә”

Үзәк китапханәдә сәнгать бүлеге китапханәчесе Татьяна Салун оештырган чара "Иҗади илһам уяна миндә" дип аталды һәм медицина училищесы студентларында зур кызыксыну уятты. Рәссам Михаил Врубель иҗатына багышланган бу чарада аның биографиясе һәм ул яшәгән заман (ХIX гасыр ахыры, XX гасыр башы) үзенчәлекләре белән якыннанрак танышу,фәлсәфи һәм эстетик карашларына җирлек булган шартларны күзаллау мөмкинлеге бирелде. "Рәссам һәм вакыт" дигән күргәзмә дә очрашуның эчтәлеген баета төште.