ГТО биреп карадыңмы?

5 сентябрь көнне Бөгелмә механика заводы стадионында “Юл йөрү иминлеге” акционерлык җәмгыяте хезмәткәрләре үзләренең спорт ягыннан әзерлеген тикшереп карады. Алар “Хезмәткә һәм оборонага әзер” физкультура-спорт комплексына кергән нормативларны үтәде.

28–58 яшь аралыгындагы хезмәткәрләрдән торган зур булмаган коллектив ераклыкка сикерү, турникта күтәрелү, аякларны туры тоткан килеш алга иелү, аркада яткан килеш гәүдәне күтәрү, 60, 100 метрга йөгерү кебек күнегүләрдә үзләренең көчләрен сынады. Катнашучыларның һәркайсы әлеге нормативларны биреп караганга бер дә үкенмәде.

Гүзәл Суняева