Герой булып тумыйлар, геройга әйләнәләр

9 декабрьдә Россиядә Ватан Геройлары көнен билгеләп үтәләр. Бу бәйрәм – иң мактаулы дәүләт бүләкләренә-Советлар Союзы, Россия Федерациясе, Дан һәм Изге Георгий орденнарына лаек булганнарга иң югары дәүләт һәм иҗтимагый хөрмәт.

Бу дата уңаеннан, Бөгелмә муниципаль районы башлыгы Линар Закиров, шәһәр һәм районның хәрби комиссары Рафаэль Миңнетдинов, шәһәр оешмалары һәм учреждениеләре җитәкчеләре, иҗтимагый һәм яшьләр оешмалары вәкилләре Советлар Союзы Геройлары бюстларына Мәңгелек дан мемориалына чәчәкләр куйдылар.