«Фронтка ярдәм иткән өчен» медале белән 19 бөгелмәле бүләкләнде.

Россия Федерациясе Оборона министрлыгы белән контракт төзегән бөгелмәлеләрне махсус хәрби операция уздыру зонасына һәм Африка корпусын комплектлауга җибәрүгә багышланган тантаналы митинг булды.

Чарада Бөгелмә муниципаль районы башлыгы вазыйфаларын башкаручы Фәнис Мөхәммәтов, дин әһелләре, җәмәгать оешмалары, шәһәр җитәкчелеге вәкилләре катнашты.

— Сафка чын ир-атлар, үз илләрен һәм туганнарын саклаучылар баса. Ватан чакыруына җавап бирүегез өчен рәхмәт әйтәсем килә. Һәр буынның үз сынаулары булды, һәрвакыт халкыбыз алардан көчлерәк һәм бердәмрәк булып чыкты. Без сезнең белән горурланабыз һәм ышанабыз. Өйләрегезгә исән-сау һәм җиңү белән көтәбез! — диде район башлыгы.

Моннан тыш, чарада «Барс-19» батальоны хәрбиләренә риясыз ярдәм иткән, булышкан, шәхсән катнашкан, гуманитар ярдәм күрсәткән өчен «БАРС» ирекле 19нчы отряды командиры боерыгы белән җирле халыкны «Фронтка ярдәм өчен» медальләре белән бүләкләделәр.

Бүләкләүне Бөгелмә муниципаль районы башлыгы вазыйфаларын башкаручы Фәнис Мөхәммәтов, хәрби комиссар Рафаэль Миңнетдинов һәм сугышчан хәрәкәтләр ветераны, "БАРС«ның 19нчы отряды составында махсус хәрби операциядә катнашучы Равил Хәмидуллин үткәрде.
Медальләрне Сергей Аношин, Баязит Рәүпов, Евгений Романов, Рәшит Хәмидуллин, Илсур Садыйков, Александр Лаврентьев, Шәрәфәт Әхәдов, Азат Мөхәммәтҗанов, Юлия Галиева, Денис Никитенко, Антон Желованов, Ильмира Рәфыйкова, Рөстәм Шәфигуллин, Марсель Низамов, Геннадий Русанов, Елена Кузнецова (шулай ук 41680 хәрби часть командиры боерыгы белән «Россия волонтеры» медале тапшырылды), Сергей Попов, Евгений Буднев һәм "Бугульминская газета«ның баш мөхәррире Наталья Панина алды.

Митинг ахырында Бөгелмә хәрби комиссары Рафаэль Миңнетдинов китүче ир-атларга мөрәҗәгать итте: «Үзегезне саклагыз, командирларның үгет-нәсыйхәтләрен тыңлагыз, уставны һәм куркынычсызлык кагыйдәләрен саклагыз. Дөрес сайлау ясаганыгыз өчен рәхмәт. Сез инде геройлар, туганнарыгызны һәм якыннарыгызны, Ватаныбызны саклаучылар.

Исән-сау һәм җиңү белән кайтыгыз, монда сезне яраталар һәм көтәләр!» 

Традиция буенча Рафаэль Шамилевич ир-атларга яшь бөгелмәлеләрнең хатларын тапшырды.