Фәнни потенциал

21 гыйнвар көнне шәһәребезнең "ТатНИПИнефть" институты хезмәткәрләре үткән елга йомгаклар ясау киңәшмәсе үткәрделәр, 2015 елга планнар кабул ителде. Институт директоры, техник фәннәр докторы, профессор Рифхать Сәхабетдинов төп доклад белән чыкты.

Институтта бүгенгесе көндә бер меңгә якын хезмәткәр исәпләнә. Үткән елда алынган йөкләмәләр барысы да үтәлгән. 2015 елга төп бурычлар итеп, инновацион үсеш темп- ларын киметмичә, эшчәнлекне дәвам иттерү мәсьәләсе куелды. Киңәшмә ахырында узган ел нәтиҗәләре буенча фән һәм техника өлкәсендә җиңүчеләр булган ТР Дәүләт премиясе лауреатларын зурладылар.