Файдалы очрашу

Бөгелмә үзәк мәчетендә логопед Зөлфия ханым белән очрашу узды. Үзе дә мөселман динендәге бу ханым әти-әниләргә балаларның ничә яшьтә нинди авазларны дөрес әйтә алулары, кай вакытта белгеч ярдәме кирәк булуы турында сөйләде. Логопедка сораулар да күп бирелде. "Сөйләм функциясе тайпылышлы балалар саны елдан-ел арта бара. Олыларның игътибары җитмәү сәбәпле, балаларның психофизиологик сәламәтлеге какшый, шуңа да логопед ярдәме вакытында күрсәтелергә тиеш, бигрәк тә бала мәктәпкә киткәнче", - ди Зөлфия ханым.