«Энергетик» стадионында «ТатГрад» (Бөгелмә) һәм «Сокол» (Казан) командалары арасында футбол матчы узачак
Матч киеренке һәм мавыктыргыч булырга вәгъдә итә.
2023 елның 16 сентябрендә «Энергетик» стадионында «ТатГрад» (Бөгелмә) һәм «Сокол» (Казан) командалары арасында футбол матчы узачак. Башлана 14:00 сәгатьтә.
«ТатГрад» футбол клубы командасы футбол буенча Татарстан чемпионатында Бөгелмә исеменнән чыгыш ясый. Алдагы матчларда команда яхшы уен күрсәтә һәм соңгы биш уенда җиңү яулый ала. Хәзерге вакытта «ТатГрад» турнир таблицасында 5 нче урында тора. Казанның «Сокол» футбол клубы командасы агымдагы сезонда беренче позициядә тора.
«Безнең командага җиңү генә кирәк, безгә җанатарларның ярдәме мөһим, барыбызны да матчка чакырабыз», — дип мөрәҗәгать итә бөгелмәлеләргә «ТатГрад» командасы җитәкчесе Ленар Батыров.
Матч киеренке һәм мавыктыргыч булырга вәгъдә итә. Тәнәфестә җанатарлар арасында бүләкләр һәм истәлекле бүләкләр уйнатылачак.
Следите за самым важным и интересным в Telegram-каналеТатмедиа
