Эксперт: Татарстан – Россия халыклары бердәмлегенең үрнәге

Татарстан – милләтара бердәмлек үрнәге һәм ул бөтен Россия өчен сынау проекты булып тора. «Идел» экспертлар клубы утырышында РФ Иҗтимагый палатасы әгъзасы – милли кыйммәтләрне саклау фонды президенты Александр Малькевич шундый фикер белән уртаклашты.

«Киләсе ел “Туган телләр һәм халыклар бердәмлеге елы” дип игълан ителде, моның өчен республика җитәкчелегенә зур рәхмәт. Россиядә – 190 төрле, ә Татарстанда 173 милләт яшәвен истә тотсак, республиканың мондый башлангычның пилот проекты буларак чыгыш ясавы аңлашыла. Бу бик мөһим», – дип ассызыклады Малькевич.