Чиләбедә беренче тапкыр спортның милли төрләре буенча спартакиада булды

Чиләбе өлкәсе Кунашак авылында спортның милли төрләре буенча «Без — татар» спартакиадасы тәмамланды. Бу хакта Чиләбе өлкәсе конгрессының «Вконтакте» социаль челтәрендәге битендә хәбәр ителә.

Чиләбе өлкәсендә мондый чара беренче тапкыр узды. Спартакиадада Чиләбе өлкәсеннән, Кунашак районыннан, Татарстаннан, Пермь краеннан һәм Свердловск өлкәсеннән 5 команда катнашты.

Алар җәядән ату, гер күтәрү, «мас-рестлинг», утын яру, көрәш, аркан тарту ярышларында көч сынашты, диелә хәбәрдә.