Быел Россиядә суны маркировкалый башлыйлар
Минераль суны мәҗбүри тәртиптә идентификацияләү 1 сентябрьдән, ә калганнарын 1 декабрьдән башлаячаклар.
Өч айдан соң Россиядә эчәргә яраклы һәм минераль суны маркировкалый башларга җыеналар.
«Известия» газетасы бизнес катнашында Перспектив технологияләрне үстерү үзәге маркировкалау илкүләм операторы тарафыннан эшләнгән юл картасына сылтама белән хәбәр итүенчә, Россия Сәнәгать һәм сәүдә министрлыгында идентификация кертү акрынлап барачак.
Процесс үзе 2024 елга кадәр дәвам итәчәк. Бу әлеге процесска күчүне мөмкин кадәр уңайлы итәргә мөмкинлек бирә, дип саныйлар Федераль ведомствода.
Юл картасы нигезендә, 1 майдан җитештерүчеләрне һәм импортлаучыларны системада терки башлаячаклар. 1 сентябрьдән минераль суны, ә 1 декабрьдән калганнарын мәҗбүри рәвештә идентификацияләү старт алырга тиеш.
Перспектив технологияләрне үстерү үзәгендә экспериментның уңышлы булуын билгеләп үттеләр. Эксперимент барышында 492 меңнән артык код бирелгән. Җитештерүчеләр яңалыкны төрлечә бәяли. Ә РФ Финанс министрлыгы белгечләре һәм экспертлар фикеренчә, идентификация контрафакт продукциядән арынырга мөмкинлек бирәчәк.
Чыганак: "Татар-информ"
Следите за самым важным и интересным в Telegram-каналеТатмедиа
