Бөгелмә егете батутта сикерү буенча халыкара турнирда җиңде

Витебскта батутта сикерү буенча халыкара ярышлар тәмамланды. Турнир Беларусь Республикасының атказанган тренеры Валерий Вагель истәлегенә багышланды анда Беларусь, Россия һәм Азәрбайҗаннан ике йөздән артык спортчы катнашты. Катнашучылар индивидуаль, синхрон һәм катнаш синхрон сикерүләрдә дүрт яшь категориясендә чыгыш ясадылар.

Россия җыелма командасы данын милли команда составында Бөгелмәдән яшь батутчы Тимур Бәхтияров яклады.

1 нче олимпия резервы спорт мәктәбе вәкиле синхрон сикерү дисциплинасында батутта сикерү буенча халыкара ярышларда җиңүче булды. Шулай ук бөгелмәле батутта катнаш синхрон сикерүдә бронза медаль яулады.

Спортчының тренеры Ландыш Кагенова.

ФОТО: 1 нче олимпия резервы спорт мәктәбе.