Бу атнада бөгелмәлеләрне 2 ял көне көтә

Бу атнада-4 һәм 6 ноябрьдә – татарстанлыларны 2 ял көне көтә. Халыклар бердәмлеге көне һәм Татарстан Республикасы Конституциясе көне – республикабыз бәйрәмнәре календаренда мөһим көннәр.

4 ноябрь көнне Бөгелмәдә 11.00 сәгатьтә – Татар мәдәният үзәгендә «Мәңгегә бергә булыйк!», 15.00 сәгатьтә Техника йортында «Татулык, бердәмлек, ышаныч» дигән бәйрәм концерты була.

Белешмә өчен:

Халыклар бердәмлеге көне — Россия дәүләт бәйрәме. 4 ноябрьдә, 2005 елдан башлап, билгеләп үтелә. 1612 елның бу көнендә Кузьма Минин һәм Дмитрий Пожарский җитәкчелегендәге халык ополчениесе сугышчылары штурм белән Мәскәүне поляк интервенцияләреннән азат итеп, бөтен халыкның каһарманлык һәм бердәмлек үрнәген күрсәтеп, Кытай-шәһәрне алалар.

Татарстан Республикасы Конституциясе — Татарстан Республикасының төп законы. 1992 елның 30 ноябрендә ТР Законы (1665-XII номерлы) белән гамәлгә кертелде. Татарстан Конституциясе 7 бүлектән һәм 126 маддәдән тора.