Бөтенроссия хокукый ярдәм көне кысаларында, Бөгелмә полициясе студентлар белән очрашты

Бөтенроссия хокукый ярдәм көне кысаларында, Россия Эчке эшләр министрлыгының Бөгелмә районы бүлеге хезмәткәрләре мәгариф учреждениеләре укучылары белән очрашу оештырдылар.

Чараның максаты — балаларның һәм яшүсмерләрнең хокукый хәбәрдарлыгын арттыру, шулай ук аларда җаваплы һәм законга буйсынучан тәртип формалаштыру.

Полиция хезмәткәрләре балаларны хокуклары һәм бурычлары белән таныштырдылар, кылган гамәлләре өчен җаваплылык турында сөйләделәр. Көндәлек тормышта үз хокукларыңны ничек тормышка ашырырга икәнлеге турында фикер алыштылар. Яшүсмерләр куркынычсызлык кагыйдәләрен искә төшерделәр, аларны үтәү һәлакәтләрдән качарга һәм җинаять корбаны булмаска мөмкинлек бирәчәк.

Чара дуслык һәм иркен атмосферада узды. Балалар үзләрен кызыксындырган сораулар бирделәр һәм җентекле җаваплар алдылар. Педагоглар полиция хезмәткәрләренә кызыклы әңгәмәләре өчен рәхмәт белдерделәр.