Бөгелмәнең 12 ишегалдында «Безнең ишегалды» программасы буенча эшләр башланды

Быел «Безнең ишегалды» программасы буенча 32 йорт яңа тормыш алачак: шәһәрдә-24, районда-8. Ишегалдын төзекләндерү эшләре башланганчы 1-3 көн алдан ишегалды территорияләренең соңгы схемаларын раслау өчен халык белән очрашулар үткәреләчәк.

"12 Бөгелмә ишегалдында төзекләндерү эшләре башланган инде. Быел Алиша урамындагы 14, 16 нчы йортларда зур үзгәрешләр көтелә. Проект халык катнашында эшләнгән. Соңгы схеманы раслау өчен очрашу июнь аенда ук узачак. Ул юлның хәрәкәт итү өлешен, тротуарларны ремонтлауны, яктыртуны алыштыруны, уен комплексларын урнаштыруны, парковка кесәләрен төзүне күздә тота. Шулай ук хоккей кортын тәртипкә китерергә планлаштырабыз. Авыл халкының үз ишегалдында спорт белән шөгыльләнүе бик мөһим. Анда яшәүчеләр дә эшләрнең сыйфатын һәм үтәлеш вакытын күзәтәчәкләр», - дип билгеләп үтте Бөгелмә районы башлыгы.