Бөгелмәлеләр җылылык белән тәэмин итү сораулары буенча кайнар линиягә мөрәҗәгать итә алалар

Бөгелмәдә җылыту сезоны сентябрьдә үк башлануга карамастан, социаль челтәрләрдә яшәүчеләрдән фатирларда җылылык җитмәүгә мөрәҗәгатьләр килүен дәвам итә. Бу хакта бүген «Эшлекле дүшәмбе» барышында шәһәр мэры Линар Закиров хәбәр итте. Иң күп шикаятьләр капиталь ремонт ясалган күп фатирлы йортларда яшәүчеләрдән килә.

Линар Закиров бөгелмәлеләрнең социаль челтәрләрдә тасвирланган һәр факты буенча, шулай ук коммуналь предприятиеләрнең диспетчерлык хезмәтләренә кергән гаризалар буенча комиссияләр чыгып, адреслы тикшерүләр үткәрергә кушты.

Бөгелмә муниципаль районы Башкарма комитеты каршында җылылык белән тәэмин итү мәсьәләләре буенча "Кайнар линия" эшли (тел.4-38-65 доб.143). Җылылык белән тәэмин итү сораулары буенча гаризаларны идарәче компанияләр дә кабул итә.