Бөгелмәлеләр сәламәтлекләрен ныграк кайгырта һәм спорт белән шөгыльләнә башладылар

2023 елның 5 ае нәтиҗәләре буенча Бөгелмә районында системалы рәвештә физик культура һәм спорт белән 53 599 кеше шөгыльләнгән, бу 3 яшьтән 79 яшькә кадәрге халык санының 57,9 процентын тәшкил итә. Бу узган елның шул ук чоры күрсәткеченнән 5 % ка күбрәк. Мондый нәтиҗәләр Бөгелмә мэриясендә беренче яртыеллык йомгаклары буенча киңәшмәдә ясалды.

12 августта Бөгелмәдә Бөтенроссия Физкультурачылар көнен бәйрәм итү кысаларында, төрле спорт төрләре буенча ярышлар планлаштырылган. Шул ук көнне шәһәрдә иң яхшы спортчыларны, тренерларны һәм спорт ветераннарын хөрмәтләячәкләр.