Бөгелмәлеләр көнче ир-атка һөҗүм иткәннәр һәм телефонын тартып алганнар
Бөгелмә полиция хезмәткәрләре торакка үтеп керүдә шикләнелгән яшь кешеләрне тоткарлаганнар.
Россия Эчке эшләр министрлыгының Бөгелмә районы буенча дежур бүлегенә 21 яшьлек җирле кешенең әнисеннән хәбәр килгән. Хатын хәбәр иткәнчә, билгесез кешеләр аның улына янаганнар һәм аның телефонын алганнар.
Тикшерү барышында ачыкланганча, егет белән 17 яшьлек кыз арасында көнчелек нигезендә конфликт килеп чыккан. Соңрак кыз ике танышы белән үзенең элеккеге егете фатирына үтеп керә. Бито белән селтәнеп егетләр физик үч алу белән яныйлар һәм акча бирүен таләп итәләр. Һөҗүм итүчеләр зыян күрүченең кесә телефонын алып качалар.
Шикләнелүче булып 20 һәм 23 яшьлек ике егет, шулай ук 17 яшьлек кыз ачыклана һәм кулга алына. Алар барысы да кылган эшләрен таныйлар. Фигурантларга карата читкә китмәү һәм тиешле тәртип турында язылу рәвешендә чик кую чарасы сайланган.
Тикшерү РФ Җинаять Кодексының 139нчы маддәсе, 1нче өлеше («Торакның кагылгысызлыгын бозу») һәм 330нчы маддәсе, 2нче өлеше («Үзидарәчелек») буенча җинаять эше кузгаткан.
Следите за самым важным и интересным в Telegram-каналеТатмедиа
