Бөгелмәгә «Җиңү паровозы» 30 апрельдә киләчәк
Бөек Ватан сугышында Җиңүнең 80 еллык юбилее уңаеннан Куйбышев тимер юлы «Җиңү паровозы» проектын башлап җибәрә.
28 апрельдән 5 майга кадәр бәйрәм ретро-составы Уфа, Стәрлетамак, Бөгелмә, Әлмәт, Ульяновск-Үзәк, Рузаевка, Пенза һәм Самара кебек 8 зур магистраль станциясендә булачак, дистәләрчә кечкенә станция һәм авыллар аша 3000 километрга якын юл үтәчәк.
Куйбышев тимер юлының матбугат хезмәте хәбәр иткәнчә, вагоннарда уникаль экспонатлар урнаштырылачак. Анда автомобиль-амфибия була. Бу машина реаль хәрби хәрәкәтләрдә катнашкан һәм нибары берничә экземплярда гына сакланып калган.
Традиция буенча ретросоставны гамәлдәге «Лебедянка» паровозы алып барачак, ул 1945 елның Җиңү мае стилистикасында бизәлгән. Эшелон составында «Үлемсез полк» пассажир вагоннары йөриячәк. Моннан тыш, паровоз бригадасын Бөек Ватан сугышы чоры формасына киендерәчәкләр.
Шулай ук кунаклар паровоз кабинасына күтәрелә, кыр кухнясыннан авыз итә ала, Георгий лентасын ала, раритет ату коралы һәм балалар өчен лазертаг күргәзмәләрен карый алачак. Экскурсия вакытында кешеләр барысының да яраткан вокаль һәм бию композицияләрен ишетәчәк.
Бөгелмәдә паровоз 30 апрельдә 15.00 сәгатьтән 17.30 сәгатькә кадәр торачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
