Бөгелмәдә ДНР һәм ЛНР гражданнарының тавыш бирүе уза

23 сентябрьдә, Бөгелмәдә Донецк һәм Луганск халык республикалары гражданнары Россия Федерациясе составына керү мәсьәләсе буенча референдумда тавыш бирәләр.

Бөгелмәдә Бөгелмә муниципаль районы территориясендә яшәүче Донецк һәм Луганск өлкәләрендә яшәүчеләр өчен вакытлы сайлау участогы оештырылган. Алардан тыш, әлеге республикаларның Баулы һәм Ютазы районнарында яшәүче гражданнары Россия Федерациясе составына керү мәсьәләсе буенча үз теләкләрен белдерергә килгән.

Процедураны башлар алдыннан тавыш бирүчеләр ике гариза тутыралар. Беренчесе-аларны сайлаучылар исемлегенә кертү турында. Икенчесе-Әлмәт шәһәрендә урнашкан сайлау участогы бинасыннан тыш тавыш бирү мөмкинлеге турында.