Бөгелмәдә «Безнең ишегалды»программасы буенча халык белән очрашу узачак

Бөгелмәдә җыелыш 6 мартта 18.00 сәгатьтә Яшьләр сараенда узачак. Очрашуларда ишегалды территорияләрен проектлаучылар катнашачак, алар проект карарларын аңлатып, төзекләндерү схемалары буенча сорауларга җавап бирә алачаклар.

Без халыкка һәм программада катнашучыларга программаның принциплары, шулай ук төзелеш эшләренең барышын ничек күзәтергә һәм кимчелекләр турында кая хәбәр итәргә кирәклеген белү өчен җыелышларда катнашырга киңәш итәбез. Программаның һәр катнашучысына ишегалларында төзелеш сезоны дәвамында — апрельдән сентябрьгә кадәр барачак процессларга кушылу мөһим.