Бөгелмә волонтерлары социаль ярдәм үзәгендә пенсионерларны котладылар

«Көмеш яхшылыкка» проекты кысаларында, 14 нче прогимназиядән яшь иреклеләр һәм көмеш волонтерлар «Салават күпере» социаль ярдәм үзәгендә өлкән яшьтәге кешеләр белән очраштылар. Алар «Гаилә традицияләре. Үткәндәге хатирәләр» концерт-күңел ачу программасын тәкъдим иттеләр.

Әби-бабайлар яшьләр белән яшьлекләре турындагы хатирәләре белән уртаклаштылар, концерт һәм яшь волонтерлар кулыннан ясалган бәйрәм открыткалары өчен чын күңелдән рәхмәт белдерделәр. Балалар өлкән буын кешеләре өчен виртуаль ретро-экскурсия үткәрделәр.

Бөгелмәнең көмеш волонтерлары читтә калмады. Алар олы яшьтәге кешеләрне котладылар һәм татлы бүләкләр тапшырдылар.