Бөгелмә сәнәгать производствосы индексы үсеше күрсәткечләре буенча Татарстанда иң яхшы нәтиҗәләрне күрсәтте
Әсгать Сәфәров бөгелмәлеләргә бердәмлекләре һәм хезмәт сөючәнлекләре, бердәм эшләүләре өчен рәхмәт белдерде.
Бүген хисап сессиясендә Бөгелмә районының 2022 елгы социаль-икътисади үсешенә йомгак ясадылар. Утырыш барышында Татарстан Республикасы Рәисе администрациясе җитәкчесе Әсгать Сәфәров катнашты.
Бөгелмә районының 2022 ел нәтиҗәләре буенча күрсәткечләре гомумән уңай бәяләнә. Ләкин, җитәкчелеккә кече һәм урта эшкуарлык белән эшләүгә күбрәк игътибар бирергә кирәк. Район Советы утырышында шундый йөкләмә белән ТР Рәисе администрациясе җитәкчесе Әсгать Сәфәров чыгыш ясады.
"Бөгелмә районының 2022 елгы социаль-икътисади үсеш нәтиҗәләрен без уңай бәялибез. Авыл хуҗалыгындагы тенденцияләр куандыра: муниципалитетлар рейтингында сез 13 пунктка күтәрелдегез. Бердәнбер, кече һәм урта бизнес өлкәләрендә эшне көчәйтергә кирәк", - диде ул.
Әсгать Сәфәров бөгелмәлеләргә бердәмлекләре һәм хезмәт сөючәнлекләре, бердәм эшләүләре өчен рәхмәт белдерде.
Следите за самым важным и интересным в Telegram-каналеТатмедиа
