Бөгелмә районы Россия триколоры төсләрендә тасмалар тарату буенча патриотик акциягә кушылды

Россия Федерациясенең Дәүләт флагы көнендә Бөгелмә районы Россия триколоры төсләрендә тасмалар тарату буенча патриотик акциягә кушылды. Акция ике мәйданчыкта узды: шәһәр хакимияте холлында һәм Техника йорты мәйданында.

Бәйрәм символларын халыкка активистлар - «Бердәм Россия»нең Яшь гвардиячеләре һәм район волонтерлары өләште. Тасмалар белән бергә балалар халыкка бәйрәм тарихы, Россия флагы төсләренең әһәмияте турында сөйләделәр.