Бөгелмә районы башлыгы шәһәрдә юл билгеләрен яңадан карап чыгарга кушты
Бөгелмә хакимияте социаль челтәрләрдә юл билгеләренә шикаятьләр белән 100дән артык хәбәр алган. Бу хакта бүген «Эшлекле дүшәмбе» киңәшмәсендә сөйләделәр.
Исегезгә төшерәбез, Бөгелмә муниципаль районының Юл хәрәкәте иминлеге комиссиясе карары буенча быел билгеләрне яңача ясадылар. Юл хәрәкәте иминлеге максатларында дүрт полосалы интенсив хәрәкәт белән барлык урамнарда икеләтә тоташ билгеләр барлыкка килә, бу автомобильчеләрнең ризасызлыгын тудыра.
"Бу үлем белән тәмамланган юл-транспорт һәлакәтләрен киметү өчен мәҗбүри чара. Бөгелмәдә 2023 ел башыннан төрле юл-транспорт һәлакәтләрендә 6 кеше һәлак булган инде. Тагын бер кат игътибар белән карарга кирәк: һәр җирдә яңа юл билгеләре куркынычсызлык нормаларына да, төпле акылга да туры киләме. Шуңа күрә бу хәлне тагын бер кат анализлап, нәтиҗәләр турында аерым хәбәр итүегезне сорыйм», - дип билгеләп үтте Линар Закиров.
Следите за самым важным и интересным в Telegram-каналеТатмедиа
