Бөгелмә пенсионеры мошенник аркасында зур суммадан чак кына мәхрүм калмаган, әмма уяулык күрсәткән

Россия Эчке эшләр министрлыгының Бөгелмә районы буенча дежур частена җирле хатын-кыздан гариза килгән. 1937 нче елгы хатын-кыз хәбәр итүенчә, интернет аша билгесез хатын, юл-транспорт һәлакәтенә эләккән туганына ярдәм күрсәтү сәбәбе белән аның акчасын урларга маташкан. Җинаятьче хатын пенсионеркадан 900 мең сум сораган, әмма үзенең җинаятьчел ниятен ахырына кадәр җиткерә алмаган. 

Оператив-эзләү чаралары барышында полиция хезмәткәрләре Кыргызстан Республикасының 1996 нчы елгы кешесен тоткарлаган, ул үз гаебен таныган.

Билгеле булганча, мошенник Октябрьский һәм Лениногорскида охшаш җинаятьләр кылган. Хатын-кызны сак астына алу рәвешендә чик кую чарасы сайланган. Әлеге факт буенча РФ Җинаять Кодексының 159 нчы маддәсенең 4.3 нче өлеше буенча җинаять эше кузгатылган.